İki və daha çox kompüteri hub və ya switch vasitəsi ilə birləşdirmək

I. 4 dənə RJ-45 jak (ucuz olduğuna görə çox da almaq olar)
II. Kabel UTP CAT5e Bakı mağazalarında mümkün olan kateqoriya
kabeldir. Əgər olmasa CAT5-də alsanız olar. 1 metr UTP 2008-01-20 qiymətlərinə görə 40 qəpikdir. Neçə metrə almağı siz təyin etməlisiniz. Ən aşağı 1.5 metrlik almalısınız. Yəni bu halda kompüterlər bir-birindən 1 metr uzaqlıqda yerləşməlidir deməkdir. Əgər uzaqdırsa yadımıza salaq 10BaseT və ya 100BaseT HUB ilə hər PC arasında maksimum məsafə 100 m olmalıdır. Cəmi məsafə 200 m olur. Çalışın hər tərəf mümkün qədər eyni uzunluqda kabellə birləşdirilsin. Əgər 1-ci dəfə şəbəkə qurursunuzsa və kaeli 1-ci dəfə görürsünüzsə onda aldığınız yerdə kabeli jak-a taxdırın. Sadəcə deyin düz və ya çarpaz kabel ver.
III. 1 dənə sıxma aləti. Qiyməti 2008-01-20-də 5 manatdır.
IV.1 ədəd Switch və ya HUB. . Ev üçün istəyirsinizsə 8 portlu(girişli) olsa bəs edər. Əgər kompüter sayı çox olan və gələcəkdə əlavə oluna bilərsə məsləhətdir 16 portlu alın. Ən ucuz xablardan birinin qiyməti 27 manatdır. Mən D-link şirkətinin mallarını istifadə edirəm. İlk növbədə mən məsləhət görərdim ki mağazaya switch almaq məqsədi ilə gedəsiniz. HUB da işinizi görməyə yarayar amma biz artıq switch-in nəyə görə üstün olduğunu bildiyimiz üçün şəbəkəni onun üzərində qurmağın daha yaxşı olduğunu başa düşürük. Əgər yadınızdan çıxıbsa o zaman switch haqqında olan bölməni oxuyun. Məncə switch və hub arasında qiymət fərqi o qədər çox olmayacaqdır. Mən indi switch üzərində qurulmuş şəbəkəni təhlil edəcəyəm. Əgər sizdə hub varsa narahat olmayın switch ilə quraşdırılma texnikası eynidir heç bir fərqi yoxdur. Mağazadan 10/100 Fast Ethernet Switch alın ya da HUB. Yəni Fast Ethernet ailəsinə daxil olduğu üçün UTP kabelləmədən istifadə edəcəyik. Artıq UTP kabel düzəltməyi bilirik. Bizə hələlik 2 dənə kompüter --- hub --- kompüter lazımdır. Əgər kompüterlər yaxın məsafədədirlərsə məsləhətdir 1,5 m (bir metr yarım) uzunluqda iki UTP kabel düzəldəsiniz.

Ümüd edirəm ki hər bir şey hazırdır və başlayırıq quraşdırmağa. Kabellərin bir ucunu kompüterə o biri ucunu hub-ın və ya switch-in istənilən portuna salın. Mən sizə həmişə istifadə etdiyim metodu təklif etmək istəyirəm. Birinci kompüteri hub-a qoş sonra onu yandır. Kompüter yandığı müddət ərzində birinci kompüter Collision(toqquşma) problemini həl edəcəkdir. Sonra ikinci kompüteri hub-a qoş. Belə halda Collision daha tez müddətdə aradan götürüləcəkdir. İkinci kompüteri hub-a qoşanda görürsən ki işıqların hər ikisi eyni anda yanıb sönməyə başlayır. Bir az keçdikdən sonra ikisinin də sakitləşdiyini, vuruşmanın dayandığını görürsən. İki kompüteri birbaşa qoşmaq barədə yazdığım hissədə göstərdiyim formada hər kompüterə bir ədəd Localhost İP verirsən. 192.168.1.1 o birisinə 192.168.1.2 və ya 192.168.1.0 ---dan---254 qədər. Artıq siz ikidən çox kompüteri qoşa bilərsiniz. Yəni digərləridə eyni formada qoşulacaqdır və sadəcə onlara yeni İP ünvanı verəcəksiniz. Əgər İP çətinliyi olsa İP haqqında yazını oxuyun.



<< Geri (10.3.2 Vista əməliyyat sistemində File Sharing(Dosye bölüşdürülməsi) )  |  10.4 İki və daha çox kompüteri hub və ya switch vasitəsi ilə birləşdirmək.  |  Irəli (10.5 Şəbəkə problemlərinin həlli üçün lazımlı məlumatlar (XP və Vista)) >>

«« Vista əməliyyat sistemində File Sharing(Dosye bölüşdürülməsi)    İki və daha çox kompüteri hub və ya switch vasitəsi ilə birləşdirmək    Şəbəkə problemlərinin həlli üçün lazımlı məlumatlar(XP və Vista) »»
Share


Muəllif: Zabil İbayev


YER Hostinq

Pulsuz elanlar saytı

Internet Jobs Database