Kompüter Şəbəkələri

10Base2 - koaksial kabel

10Base2 - koaksial kabel

10Base2 RG-58 kodlu koaksial kabel istifadə edir. Bu kabel evlərimizdəki antena kabeli ilə görünüşü tamamı ilə eynidir. Ancaq 50 om ölçüsündədir. Hal bu ki antena kabeli 75 om ölçüsündədir və kompüter şəbəkələrində istifadə olunmur. 10Base2 ilə işləmək yəni belə bir şəbəkə qurmaq 10Base5 ilə müqayisədə olduqca asandır. İlk olaraq kabel incə formadadır və asanca daşına bilən, bükülə bilən, incə deşiklərdən keçə bilir. Bundan əlavə artıq Transceiver kimi bir ara cihaza da gərək qalmır. Koaksial küçük konnektorlar(birləşdiricilər) vasitəsi ilə birbaşa şəbəkə kartına taxılır. 10Base2 ethernet Thin(zərif, incə) Ethernet və ya Thinnet kimi, bəzən də Cheapernet (ucuz tor, şəbəkə) kimi adlandırılır. 10Base2-nin yazılışı formasının sadələşdirilmiş izahlı şəkili ilə tanış olun :


• 10 Mbit sürətində

• Baseband

• 2 ilk vaxtlarda 200m-lik maksimum seqment uzunluğu mənasına gələcəkmiş kimi düşünülsə də, 10Base2-de tövsiyə edilən maksimum seqment uzunluğu 185 metr idi. Hər halda ilk başda yanlış ölçülübmüş ya da 200 yaxın rəqəm olduğuna görə belə adlandırılıb.

Eyni 10Base2 seqmentinə 30 kompüter taxıla bilər. Maşınlar arasında ən az yarım metrə(0.5 m) məsafə buraxılmalıdır. Ancaq 10Base5-də olduğu kimi kompüterlərin kabelə sabit aralıqlarla bağlanma məcburiyyəti yoxdur.

10Base2 daha rahat qurulduğuna görə və ucuz başa gəldiyinə görə 10Base5-in yerini tez bir zamanda aldı. Bağlantılar Thinnet-də təməl olaraq üç bağlantı elementi vardır. Birincisi, kabelin ucuna taxılan BNC uc, iki yöndən gələn kabelləri birləşdirən T konnektor(birləşdirici) və kabel sonlarına taxılan sonluqlar (terminator) vardı. Kabel ən başa bir sonluq taxılaraq başlar, harada bir kompüter bağlantısı lazım olursa, kabel kəsilir, kabelin iki ucuna BNC uc taxılır, bu uclar da T konnektorla birləşdirilir. T konnektor şəbəkə kartına taxılır. Beləcə kabel bütün sistemləri dolaşdıqdan sonra ən sona təkrar bir sonluğa taxılır. Altda buna bir misal var. Terminatorlardan birinin sonluğu torpağa basdırılmış olmalıdır.

Sonluq sağ tərəfdəki şəkil kimi də taxıla bilər, amma əsasən T konnektor istifadə olunur.

Thinnet-dən istifadə bütün bu konnektorlar BNC konnektor kimi tanınır. BNC-nin Bayonet Nut Connector, Bayonet Navy Connector, Bayonet Neil Cofflin(konnektoru yaradıcısı kimi bilinən adam), British Navy Connector və ya Bayonet Nut Coupling –dən gəldiyinə dair rəvayətlər var, siz qısaca BNC(bi en si) deyə bilərsiniz. Kabelə BNC ucu taxmaq üçün xüsusi bir sıxma alətinə ehtiyacınız ola bilər. Konnektorun içindəki iynənin içi deşikdir. Koaksialın içindəki sim bu deşiyə soxulur və iynə sıxma aləti ilə sıxılır. Daha sonra da koaksialın metal qoruma qatına tam təmas edəcək şəkildə konnektorun çöl tərəfi sıxılır. Heç bir şəkildə koaksialın ortasından keçən sim çöldəki metal örtüyə təmas etməməlidir. Əks halda qısa qapanma olur və şəbəkə çalışmır.

Düzgün bağlantı

Sıxma aləti

İçdəki uc konnektorun çölünə dəyməməlidir

Və ortadakı uca iynə taxıldı. İynəni sıxırıq.

İynəni konnetorun içinə salırıq. Çöldəki incə tel parçaları (koaksın metal örtüyü) konnetorun iynəni saldığımız borusunun çölündə qalacaq.

Sonra arxadakı halqanı sonuna qədər konnektora doğru itələyib sıxırıq.

Beləcə metal örtük konnetorun tamamına bağlandı, ortadakı sim isə yalnızca konnektorun içindəki iynəyə bağlıdır. Altda belə bir misal görə bilərsiniz, bağlantının üstü geniş plastik qapaqlar ilə örtülür.

10Base2-nin qısa məlumatı


• 10Mbs sürətində

• Baseband

• Seqment yəni kompüterləri dolaşan kabel ən çox 185m ola bilər

• Eyni seqmentə 30-dan çox kompüter bağlana bilməz

• Hər bir maşın arasında ən az 0.5m məsafə buraxılmalıdır.

• 10Base5-dən çox ucuz

• Thinnet, Thin ethernet və ya Cheapernet kimi də bilinir

Koaksial kabelli ethernet üçün istifadə olunan iki cihazdan bəhs etmək istəyirəm: Repeater və Bridge. Günümüzün UTP kabel istifadə edən modern şəbəkələrində bu cihazlar yerlərini hub və switch-lərə vermişdir. Günümüzdə ki şəbəkələrin çalışma prinsiplərini daha yaxşı anlamaq üçün bu iki cihazı tanımaq lazımdır.