3.3 Dəyişənin tipi
Dəyişənlərin adlandırılması qaydaları ilə tanış olduq. Dəyişənlərdən istifadəyə keçmədən öncə bilməli olduğumuz daha bir məhfum dəyişənin tipi anlayışıdır. Əgər dəyişənin adı onda olan məlumata müraciət etmək üçün istifadə olunurdusa, tip həmin məlumatın xarakterin, yaddaşda nə qədər yer tutmağın v.s. bildirir. Ümumiyyətlə proqramlaşdırmada kifayət qədər mürəkkəb tiplərdən istifadə olunur. Biz isə yeni başlayanda çox sadə 3 standart tipdən istifadə edəcəyik. Bunlar int, char və double tipləridir. Müvafiq olaraq bu tiplərdən olan dəyişənlərdə biz tam, simvol və kəsr tipli məlumatlar yerləşdirə bilərik.