Əgər siz internetdə çox gəzmisinizsə, onda bilirsiniz ki, bağlantı təkcə *.html faylı ola bilməz, digər fayllar da ola bilər (*.doc, *.mp3, *.jpg, *.gif, *.txt, *.zip, *.exe və s.). Bunu necə edirlər? Bəli, bunlar hamısı eyni prinsiplə edilir: 

<a href="http://www.mp3.az/music.mp3"> mahnı yükləməli </a> 

Bu cür bağlantıya sıxanda bilirsiniz nə olacaq? İstifadəçidə musiqi faylını onun komputerində yaddaşa vermək üçün pəncərə çıxacaq. Yəni əgər fayl mətn (*.doc, *.txt) və ya *.html faylı deyilsə, onda brouzer sizə avtomatik olaraq həmin faylı kompüterinizdə saxlamağı təklif edəcək. Bu nə üçündür? Təbi ki, çoxsaylı oxucuların suallarına cavab olaraq musiqi faylları və ya proqramları yükləmək üçün onları öz saytlarında yerləşdirə bilərlər. 

Yeri gəlmişkən, siz ola bilər ki, bu cür ünvan gördükdə təəccüblənəsiniz: 

<a href="http://www.mp3.az/"> musiqi saytı </a> 

Bu onu göstərir ki, qeyd olunmuş kataloqda index.html kimi fayl var, bu fayl istifadəçi saytda daxil olarkən ilk olaraq yüklənir. Bax belə-belə işlər. 


Amma gəlin şəkillər haqqında danışaq. Yəqin ki, bəziləriniz belə hallarla rastlaşmısıniz: Nə vaxt kiçik şəklə sıxırsan, onda həmin və ya ayrı pəncərədə böyük şəkil çıxır. Bunu necə edirlər? Burada heç bir hiylə yoxdur: Şəkil bağlantı düzəldirik (məsələn, small.jpg) və böyük şəklə bağlanırıq (məsələn, big.jpg): 

<a href="big.jpg"> <img src="small.jpg"> </a> 

Bu halda böyük şəkil elə həmin pəncərədə açılacaq. Necə etməli ki, şəkil (və ya ayrı fayl) ayrı pəncərədə açılsın? İş ondadır ki, <a></a> teqində "target" atributu var:

<a href="big.jpg" target="_blank"> <img src="small.jpg"> </a>

Deməli target="_blank" - onu göstərir ki, bağlantı olan sənəd (bizim nümunədə şəkil) brouzerin başqa pəncərəsində açılacaq. Bizim böyük nümunəyə mən bunu salmayacağam. Yəni böyük şəkilləri sənədə salmayacağam. Həm də siz bunların hamısını artıq özünüz yoxlamalısıniz:) 

Məni düzgün başa düşün, əgər siz özünüz sərbəst təcrübə aparmasanız, onda heç kim sizin yerinizə bunu edə bilməz, bilikləri möhkəmlətmək lazımdır.