Keçən gün İlk Addımlar Akademiyasında Alman dili kursunun ilk dərsi keçirildi. Dərs Alman dili üzrə beynəlxalq sertifikata malik olan Sübhan Kazımov tərəfindən tədris olundu.
Kursun ilk günü dərsdə Almaniya ölkəsi, vilayətləri haqqında geniş məlumat verildi. Bundan başqa dərsi keçən S.Kazımov kursun gedişatı zamanı Alman dilindən onun zənginliyindən də söhbət açdı. Alman dilinin təkcə öz (Almaniya) ölkəsində deyil, dünyanın bir çox ölkələrində işlədildiyini söylədi. Bu dil 6 səviyyəyə bölünür. Bunlar A1A2, B1B2, C1C2-dir. Bu kursu bitirənlər B1B2-dil səviyyəsinə malik ola bilərlər.
Alman dilini öyrənmək istəyənlər əlbəttə ki, Almaniyadakı universitetlərlə də maraqlanırlar. Məhz bunun üçün kursda Alman universitetlərindən, oradakı təhsildən də danışıldı. Almaniyada universitetlər iki-özəl və dövlət universitetlərinə bölünür. Özəl universitetlərin illik ödənişi dövlət universitetlərindən bahalı olduğuna baxmayaraq, keyfiyyət baxımından eyni dərəcəyə malikdirlər.
Birinci dərs marağa səbəb olduğu üçün, İlk Addımlar Akademiyasında Alman dili kursu davamlı olaraq hər həftə keçiriləcək. Maraqlananlar kursa qoşula bilərlər. Uzaqda olan, kursa gələ bilməyənlər üçün isə dərsin vebinarı təqdim olunacaq. Vebinarda qeydiyyatdan keçib, kurs yerinə gəlmədən dərsin canlı izləycisi ola bilərsiniz.
“İlk Addımlar akademiyası” “İlk Addımlar” tədris portalının başlatdığı Azərbaycanda İnformasiya Texnologiyaları (İT) sahəsində tədris almaq istəyənlərə köməklik göstərmək məqsədinin davamı olaraq növbəti atılan addımlardan biridir. Kurslarda İT sahəsində keçirilən dərslər Azərbaycanda bu sahəyə olan marağı daha da artırmağa köməkçi olur. Akademiyanın özəlliyi ondan ibarətdir ki, burada vebinarlar da təşkil olunur. Kursların keçirilmə vaxtı tələbələrin istəyi ilə təyin edilir. Dərslər ödənişlidir.