İlk Addımlar” layihəsi Azərbaycanda İnformasiya Texnologiyaları sahəsinin inkişafına köməklik göstərmək üçün növbəti addımlarından birini atdı. Belə ki, layihə çərçivəsində “İlk Addımlar akademiyası” adı altında yeni kurslar fəaliyyətə başladı. Burada İT sahəsindəki tədrisdən başqa xarici dil, psixologiya və digər mövzularda da kurslar olacaq.
Kurs haqqında ən son məlumatları “ilkaddimlar.com” tədris portalında yeni açılan “Kurslar” bölməsindən əldə edə bilərsiniz. Buradan siz kurs daxilində keçiriləcək dərslərin adı, müəllimlər haqqında məlumatlar, kursun başlanma vaxtı, dərslərin qiymətləri ilə tanış ola və eləcə də kursa onlayn yazıla bilərsiniz. Bundan başqa bölmə daxilində, kənara çıxmadan həmin səhifədə açılan pəncərədən kursla əlaqəli olan xəbərlərdən agah olacaqsınız.
“İlk Addımlar akademiyası” “İlk Addımlar” tədris portalının başlatdığı Azərbaycanda İnformasiya Texnologiyaları sahəsində tədris almaq istəyənlərə köməklik göstərmək məqsədinin davamı olaraq növbəti atılan addımlardan biridir. Kurslarda İT sahəsində keçiriləcək dərslər Azərbaycanda bu sahəyə olan marağı daha da artıracaq və inkişafına təkan verəcək. Kursların keçirilmə vaxtı tələbələrin istəyi ilə təyin edilir. Dərslər ödənişlidir.
“İlk Addımlar” 2001-ci ildən fəaliyyət göstərən Azərbaycanda ilk təhsil portalıdır. Saytın məqsədi Azərbaycanda İnformasiya Texnologiyaları sahəsində ilk addımlarını atmaq istəyənlərə köməklik göstərmək, yeni texnologiyalar haqqında tədris materiallarını doğma dilimizdə istifadəçilərə təqdim etmək və bu sahədə bilikləri olanları bir yerə toplayıb, güclü bir İT tədris mərkəzi yaratmaqdır. Saytda olan məlumatların (Dərsliklər, referatlar və s) Azərbaycan dilində olması, Azərbaycanda İnformasiya Texnologiyalarına marağın artmasına kömək edir.